كيف تتخلص من الإحباط… وتعيش بحافزية مستمرة؟


إذا كنتِ تقرئين هذه الكلمات الآن…
فأنتِ إنسانة تبحث عن معنى أعمق.
لأن أغلب الناس يعيشون حياتهم بنفس الشعور كل يوم:
🔸 بداية حماسية
🔸 فتور تدريجي
🔸 ثم إحباط وركود…
حتى تتوقف الحياة عن النمو، وتتحول لأيام متكررة.

ليش تفقدين حافزيتك رغم إن هدفك مهم لك؟

لما يكون عندك هدف جميل ومهم، وتحسين بحماسه بالبداية…
لكن بعد فترة، يختفي كل شي.

وهنا المشكلة العميقة:

لأن الهدف ما كان متصل بهويتك العميقة.

أغلب الناس يعيشون حياتهم بوعي سطحي…
يحطون أهداف عشان يرضون المجتمع أو يهربون من ألم،
لكن مو لأن هذا الهدف فعلاً جزء من شخصيتهم العميقة.

أعرف شعور الإحباط هذا تمامًا…

كنت أحقق نجاحات كبيرة في مشاريعي…
لكن بعد فترة، يختفي شغفي فيها.
أكمل بس بطاقة منخفضة…
أشتغل وأتحمل المسؤوليات لكن بدون إبداع، بدون روح، بدون رؤية.

وهذا الشي كان يأثر على مبيعاتي، على سعادتي، وعلى إحساسي بنفسي.
صرت أعيش وكأني أتنفس بس… بدون حياة.

وش الحل؟

لما بدأت أشتغل مع كوتش محترف…
علمني سر بسيط لكنه عميق جدًا:

“النجاح والحافزية المستمرة… تبدأ بتحديد رغباتك الحقيقية والاتصال فيها كل يوم.”

أصعب سؤال سألني إياه الكوتش الخاص فيني…

🔸 شنو تبغين فعلاً من حياتك؟
كنت أقول: حرية؟ مال؟ نجاح؟
لكن جواتي كان فيه تردد… ما كنت عارفة ليش أبدأ الأشياء… وليش أفقد شغفي بسرعة.

هذي ٥ خطوات تعلمتها… وتغيّرت حياتي بالكامل

١. حددي هدفك بوضوح شديد

اكتبي تفاصيل هدفك وكأنك تصورين فيلم حياتك:

🔹 شلون بتكونين كل يوم؟
🔹 من الناس اللي حولك؟
🔹 شلون تشتغلين؟
🔹 كم بتكونين مرتاحة ماليًا؟
🔹 شنو بتحسين فيه لما تحققينه؟

كلما زادت التفاصيل… زادت قوة الهدف.

٢. اتصلي بهدفك يوميًا

لا تكتبينه مرة وتتركينه.
اكتبيه كل يوم.
اقرئيه، تخيليه، حسّي فيه.

وإذا طلع لك اعتراض أو مقاومة داخلية…
اكتبيها واشتغلي عليها بدل ما تهربين منها.

٣. ركزي على التقدم وكافئي نفسك

الناس تنسحب من أهدافها لأنها تركز على “اللي ما تحقق”.
لكن لما تركزي على كل خطوة صغيرة أنجزتيها…
🔹 بتزيد طاقتك
🔹 بتحسين بفخر داخلي
🔹 بيتضاعف حماسك يوم بعد يوم

مثال:
كل ما تقدمت خطوة… كافئي نفسك بكوب قهوة، مشوار هادئ، وقت خاص للتأمل…
المكافآت البسيطة تبرمج جهازك العصبي على النجاح.

٤. غيري روتينك اليومي

لأن روتينك الحالي جاب لك نتائجك الحالية.
لازم تلاحظين:
🔹 متى تكون طاقتك عالية؟
🔹 متى تحسين بالخمول؟
🔹 شنو العادات الصغيرة اللي تسرق وقتك؟

تغيير بسيط في روتينك… يفتح لك أبواب طاقة جديدة.

٥. احصلي على شريك محاسبة أو كوتش محترف

تطبيق كل اللي قلته فوق بيكون صعب لوحدك.
وجود كوتش أو شريك محاسبة يراقب تقدمك ويذكرك بأهدافك…
هو الفرق بين شخص يتمنى النجاح، وشخص يعيشه كل يوم.

الرسالة الأخيرة لكِ

أهدافك ما هي أمنيات… أهدافك انعكاس لهويتك الحالية أو هويتك القادمة.

إذا كنتِ تبغين تنتقلين من دائرة الإحباط والركود…
وتبدئين تعيشين حياتك بطاقة عالية ونتائج حقيقية…

✨ ابدئي أولًا باستثمارك في نفسك.

إذا تحسين إنك تعيشين في دوامة التشتت رغم إنك عارفة إن داخلك خبيرة…أو تبين تنتقلين من التشتت إلى الوضوح والاحترافية والهوية العميقة…

وإذا تحسين إنك تبين تبدين في مجال الكوتشنق أو التدريب أو كتابة المحتوى والتأثير بس مو عارفة من وين… أو كيف تبيعين خبرتك بثقة…

💛 برنامج البزنس كوتشنق للخبيرات صُمّم لك.
برنامج ياخذ بيدك خطوة خطوة…
من فكرة مشتتة إلى نظام واضح، رسالة قوية، محتوى مؤثر، ودخل مستدام.

🔹 أنا أعمل مع عدد محدود شهريًا فقط
إذا حابة تكونين من ضمن هالعدد المحدود، تواصلي معي